قصيدة وجع البعاد _ احمد وردانى )

وجع البعاد
يا غربة جوة الوطن عايش فى احزانك
يا مصر خفى اللبط زهقتى سكانك
يا نفسى يا محبوسة فى نفسك
الذل داير كسر فى نفسك...
طول النهار والليل ما ينامشى سجانك .
عايشين وجوة الوطن وكاننا فى غربة..
ماشيين على ضهرك..
وكاننا فى تربة.
ياغربة ليه تظلمى..
حاسبى على لسانك.
متغربين فى الوطن ما ترد يا مبارك
يوم نمشى تحت الحيط ..
ويومين بنتعارك..
قاعد وساكت تمللى ..
والضرب فى جيرانك .
ياغربة ولا مرة اقول دى تنسانى..
وزنت طن الفرح ..
مع كفه قلب انجرح ..
قاللى الميزان وطرح..
الطابة احزانى.
حرام عليك الوطن..
شردتنا يا ريس..
شايف القتال والموت وقاعدللى بتهيص
جابت معانا جاز..
فيه ايه بقى تانى
فيه ايه بقى تانى
( من الصعب فى هذا الزمن ان تجد من لا يرضى بما حوله من انتهاك للحقوق والحريات ..؛ ولكن اخى: لا تتردد فى ان تعبر عن رايك مهما كلفك ذلك من اشياء فهذا لن يكلفك اكثر من حريتك ودائما تامل قول الشاعر :
فاذا لم يكن من الموت بدٌ فمن العار ان تموت جبانا
مع اطيب تحياتى:
الشاعر احمد وردانى