الى قطار قليوب(احمد وردانى )

فى البداية الدنيا كانت نهار

والسعادة قاعدة لينا فى كل دار

اللى رايح شغله بدرى

واللى طالع بره يجرى

ولا هيفوته القطار

ركبوا فى القطر المنيل

ام لكن شايلة عيل

غيره ماليها اى قرار

وسحب القطر..

والزحمة كانها يوم الحشر

وكله سارح لاجل يفارقه الفقر

لكن ربك جابها دمار

مرة بسرعة انفجر القطر ياناس

على رقبة ولدى وبتنداس

رجل الركاب ويا الناس

فجاة بدون سابق انذار

من قاهرتنا ولقليوب

القطر ده تلقاه مقلوب

هو مبرشم ولا معطوب

ولا العيب فى التيار

رد علينا يا عم مبارك

ردى علينا يا ماما سوزان

ردى علينا يا هيئة فزيعة

وكفاية تمثيل احزان

هو القطر ده شارب حاجة

ولا خلاص اصبح تذكار

ولا خلاص اصبح تذكار

حسبنا الله ونعم الوكيل

مع تحياتى \''' الشاعر : احمد وردانى احمد

مصر - قنا - قوص - جراجوس