ارحمنا يا ريس (احمد وردانى )

ارحمنا يا ريس العملية جابت جاز
ولا لاقيين العيش والمية
ولا لقيينك لما بتتعاز
فالح بس تقول برنامج
وانا عامل الفين انجاز
ارحمنا ياريس
فاض الكيل والناس زهقانة
انا عاطل .. وامنا عيانة
ليه تقيد واحد قال الحق
صوابعنا منك فى الشق
وآخرتنا معاك الجبانة
ارحمنا يا ريس
ليه خليتنا خيار... فقوس
والجزمة على رقابنا تدوس
مش ناقصيين احنا معاهدات
جيوبنا خاصمتها الفلوس
ارحمنا يا ريس
ليه لما اصرخ تكتم نفسى
هوه انا بس ركبت مكانك
ياجواب مقفول بالترباس
حتى ما باين من عنوانك
ابعد عننا ربى يسامحك
انتى وحتى الاخت سوزانك
ارحمنا يا ريس
احمد وردانى شاعر البتاو