لازم التغيير (احمد وردانى )

--------------------------------------------------------------------------------

باقولها وسط البشر لازملنا التغيير

يكفى سكوت الحجر وضياع حقوق الغير


الواد وابوه كاتمين على نفسنا


وف عهدهم نشهر فى افلاسنا


والشعب يشحت ..كله بدون تفكير


لازم نغير قبل مالايام تخدنا


قبل ما الاحلام تسيبنا


ونبقى زى خيل ..


بتجر فى الحناطير

مبارك .. جمال .. سوزان


كلهم احباب


ناويينا عالشر عايزينلنا لخراب


بس مهما يعملوا لازملنا التغيير


اشهد يا رغيف العيش


اشهد يا قطر الصعيد


اشهد يا حادث دهب


اشهد ياضيفنا البعيد


اشهد ياعقلى المنيل


ولا انته فى التشفير