لمين هنشكى (احمد وردانى )

لمين هنشكى ده الامل شد الرحال

والقلوب تعبت ياعينى حملها حمل الجبال

لمين هنشكى ده الفرح فارق قلوبنا

من كتر جرح الزمن والدنيا دوبنا

بس ماشية الدنيا .. اه على كل حال

نشتكى من القهر ولا سطوة الحاكم

ولا من ظلم الحكومة لناس بريئة فى محاكم

ولا على نا س .. ملفوفة على رقابيها الحبال

نشكى منك يا مبارك ولا من مرتك سوزان

ولا من خنجر قاتلنا كل يوم ومن زمان

بس ماشية الدنيا زينة

ونحمده على كل حال

لا استطيع ان اكتب اى شى آخر عشان انتوا عارفين

مع ارق تحياتى

الشاعر / احمد وردانى احمد

قنا _ قوص _ جراجوس

--------------------------------------------------------------------------------