تنويه هاااااااااااااام

يا شباب طالما إن الواحد كتب فى المنتدى يبقى لازم يخللى الناس كلها تعرف اسمه .مروحش اكتب حاجه وانا اسمى مثلا sasa أو الجراجوسى أو أى اسم تانى مالوش معنى.
ياشباب انتوا رجالة والراجل اللى يخاف مايكتب اسمه بكل صدق وصراحه أنا فى نظرى مايعتبرش راجل ويبقى منافق وكداب وواخد فكرة المنتدى دى على اساس انها مجرد تسليه ولعب فقط.
يعنى أنا لما أكتب اى موضوع اقول أنا اسمى فلان الفلانى مخافش من أى حاجة لاننا مش بنسرق أو بنبيع حاجات محرمة. على العكس تماما إحنا شباب جراجوس زى ما قلنا عاوزين ننهض بقريتنا بكل جد وعزم .عاوزين ندى قريتنا مكانها المحترم المرموق بين قرى الجمهوريه كلها .عاوزين اللى يقرأ المواضيع دى يقول أهى هى دى الرجالة اللى بتبكى على مصالح أهل بلدها.
ياشباب أرجوكم ننتبه للحتة الصغيرة دى يعنى إحنا عاوزين نقرب من بعض أكتر،عاوزين نحس بمشاكل قريتنا أكتر، عاوزين نتعرف على بعض أكتر وهى دى أساس المنتدى و أهم حاجه فيه.والا مبقالوش أى لازمة.
وشكرا..........................