لحظة فراق ( احمد وردانى )

باقول وداع يا نور عيونى باقول وداع

لوكنتى جاية ترجعينى كله ضاع
الفراق اخر طريقنا
والمرار ساكن فى ريقنا
تهنا وخسرنا صديقنا
حتى لون الفرحة ضاع
لو كنتى جاية ترجعينا
قبل ما تخونى عينينا
كنت رح اشوفك سفينة
والقليب هيكون شراع
اعتذارك مش دوا قهرى وجرحى
وانتظارك والله ما يرجعللى فرحى
يبقى كيف جاية تسامحى
ياتايهة فى بحر الضياع
الصديق فكر فى نفسه
والقليب ما سمعشى همسه
والنهار ماطلعشى شمسه
لما الانانى لحبه باع
ودعينى خلاص نسيتك
بالعن انى فى يوم هويتك
وانتظرتك واشتريتك
لو ناديتى وجنب بيتك
هارفضك من غير سماع

مع تحيات الشاعر احمد وردانى