الحنين

**hassany** الخميس ديسمبر 25, 2008 10:31 am

سامع انين
اتاريه حنين
فاض الكلام
اهديه لمين؟

- بتسأل سؤال؟!
- لا يا صاحبي..
ولا انت مش شايف
دمع العنين؟

أنا بس باحكي
فاكر يا صاحبي؟

- ااااااااه
خليني أفكرك..

كنا سوا
يوم خميس
وكنت لابس عباية

وانت لابس قميص

يا ترى..
عرفت الحكاية؟
ولا لسا !
طيب.. خليك معايا

.قعدنا جنب الشجر
بنحكي ع السفر
.

- ليه سبع فوايد
وبكرة..
نلاقيك لينا عايد

(ده كلامك)
قلتلي عيش حياتك
وأيامك

سيبك من البلد
وناس البلد..
بص قدامك

طيب
فاكر بكا المطار
انا كنت حافظ كلامك

انت اللي بكيت
ولا انت استلفت دمعي؟
لما اشتكيت..

وحسيت بالحنين
برغم ان الإيد في الإيد
والعين شايفة العين!

والذكري راجعالي
وانت واخداك الليالي
وانا..
بعد الليالي

بسمع صوت انين
واحس بحنين
مش عارف لمين
اهديه.. ولا لمين..